網頁

20090220

相集:阿姆斯特丹

阿姆斯特丹土產:運河。跟住落黎,你會不停咁見到河~唔知做乜,隨手舉起架相機就係明信片風景,上一次咁影法,係響桂林陽朔。
又唔知點解,阿姆斯特丹好窮,窮到近成百年都無起過樓,每一座房屋都有過百年歷史,住o既酒店係咁,開會o既場地係咁,連餐廳、博物館都係歷史建築物~ 啲錢去晒邊?咪用黎維修舊樓囉,點解要維修舊樓,因為人地珍惜自己o既文化囉。
傳聞下圖係一間酒店同餐廳。
仍然係運河。
好多好多好靚o既花+花店~
估唔到我係可以一個人食晒個pizza 架,4 cheese pizza,超好味,但搞到我食唔到甜品。
呢間屋有500幾年歷史,以前用黎困住啲女巫,宜家係一間餐廳,勁靚。
我第一次親眼睇到落雪。
電車+天晴+落雪
再黎張明信片
黎多張
原來成個禮拜無機會講廣東話及普通話後,見到國泰飛機,係有家o既感覺架,我愛國泰空姐~

4 則留言:

Keung 說...

Pizza係咪你响阿姆斯特丹食o既唯一最好食o既野呢?嘿嘿……

匿名 說...

Amsterdam.........
羡慕,但無計…

匿名 說...

好想去呀!!!
見到咁多舊野!!!!!

說話仔 說...

呵呵,的確,阿姆斯特丹最好食既就係pizza~

我都覺得好正呀,我估歐洲既文化呀氣氛呀等等等都真係令人好舒服! 雖然我只係去過阿姆斯特丹~