網頁

20060203

承諾

即係大家養狗之前唔該考慮清楚,有啲野真係一生一世架。結婚可以離婚,打工可以轉 工,老豆老母可以仆街到送去老人院,仔女可以送去孤兒院,但係啲貓貓狗狗送去愛護動物協會或者漁護處,就九成都係好人道咁毁滅架啦(即係我成日都話愛護動 物協會真係好撚愛護動物架)。即係響石屎森林裡面,根本無可能出現野生動物,換言之你唔要佢佢就難逃一死,不如你一開始唔Q好養佢,無謂製造咁多流浪貓狗。

我一直都好鍾意唐狗,又聰明又忠心,黑色唐狗簡直型到爆,雖然唐狗係「雜種」,(我老豆語,佢最鍾意話混血兒係雜種,比我鬧得多,近期收歛左啲,諗真啲,原來唐狗係混血兒,幾勁呀!)但係雜左咁多年,唐狗好似已經成為一種品種(尋日阿陳雲響信報有篇講狗既文,幾好睇)。

各位打算養隻狗既話,不妨考慮收養,真係唔
Q好 去寵物店買囉。雖然比得人收養既狗通常都可能已經幾歲,性格定晒,可能要啲時間先至可以適應到點同你相處。佢地比人拋棄,又可能會有啲神經質,但係正正係 因為佢地有經歷,所以如果你可以同佢建立互信,佢真係會對你不離不棄,果個承諾真係肯定堅過結婚誓辭架。即係你諗得養狗,就梗要學習同動物相處啦,即係唔 係隻狗無拿拿識得比hand hand sit sit 囉,養狗唔係要馴服隻狗呀,你咪以為你真係「主人」至得架,係要你學識咩叫尊重生命,係要你有付出先得架。

btw
,如果你冇空間冇時間但係有錢,你可以考慮助養流浪狗,詳情請參考保護遺棄動物協會http://www.saa.org.hk/800x600/contents.html,電話2838-06332778-3988;而下面新聞裡的嚴先生是來自寵愛行動,如果你可以幫手的話,請致電6289-6986

缺乏經費   場主失蹤
流浪狗場倒閉
30犬斷糧等死


【本 報訊】狗年伊始,三十多頭流浪狗卻經歷了一個最痛苦的新年。牠們棲身於大埔一個流浪狗場,場主近月不知所終,狗兒被困在鐵籠裡缺水缺糧,目睹同伴慢慢餓 死,被蛇活活咬死。直至上周六(年廿九),義工才發現慘劇。劫後餘生的二十三頭狗都瘦骨嶙峋,性命危在旦夕。全港約有百多個類似的私人流浪狗場,大部份缺 乏經費運作,有如計時炸彈,狗年隨時倒閉。

記者:蔡建豪、雷子樂

大 埔坑下甫村一處逾萬呎荒地,沙塵滾滾、雜草叢生,生锈大鐵籠裡傳來幾聲氣若游絲的哀鳴。上周六,「寵愛行動」行政總監嚴志誠接獲義工求助到場視察,頓時心 裡一沉。「呢啲場面我見慣啦,今次未算嚴重。」嚴先生說,這狗場剛死了十頭狗。可愛的西施狗慘被水蛇咬死、有唐狗因多日沒有進食,嚴重營養不良餓死。

「起 碼半年冇沖涼」

流浪狗的鐵籠沒帆布遮蔽,狗兒被日灑雨淋,偌大的狗場異常骯髒,恍如一個工場。雜草成為牛痹、心絲蟲等會令狗兒致死害蟲的溫床。躺在地上奄 奄一息的狗 兒,大部份都出現皮膚病,惹人憐愛的曲架狗瘦削得見骨,左眼有明顯的傷痕。 「我地估計呢隻狗左眼撞傷後冇及時醫治,
家 已經失去視力。」 另一頭白色唐狗看見有人來訪,絕望地將頭靠向籠邊,額上「H」形疤痕清晰可見。「佢應該係同其他狗打交受傷,傷左又冇人理。」嚴志誠說,狗兒現最需要解決 糧食問題,並急需安排獸醫盡快檢查,一但發現身上有牛痹等寄生蟲,要盡快服藥治理。 他表示,今天會再到現場除草,下周初會安排獸醫到場,他呼籲熱心人士捐贈狗糧和當義工協助狗兒洗澡。「啲狗起碼有半年冇沖過涼,身體有好多問題。」

全港百個流浪狗場


嚴志誠慨歎,狗場內大部份生還的都是唐狗,即使能救回一命,也怕無人收養, 「唐狗命運最慘,多數都冇出路。」他表示,全港有百多個類似的私人流浪狗場,場主多以個人積蓄營運,沒穩定的捐款來源,猶如「計時炸彈」,隨時因缺乏經費「爆煲」,令流浪狗再受第二次傷害。


宜替狗隻先行絕育


愛 護動物協會發言人表示,近半年最少有三宗同類事件,造成多隻流浪狗死亡。發言人建議,場主宜先為流浪狗進行絕育手術,並廣泛宣傳找熱心人領養,方能令狗場 維持長遠運作。她說,熱心人士若希望開設流浪狗場,應先注意狗場的環境,包括要確保狗籠有足夠的遮蓋,狗兒有足夠的糧食和水等。


半年三狗場關門害百命

流 浪狗場倒閉情況頻頻出現。過去半年內最少有三宗同類事件發生,涉及近一百條狗命。去年九月,位於元朗錦田的「世界動物權益中心」因長期欠租被業主申請入稟 封屋。執達主任到場封屋時,方發現狗場內有二十多隻貓狗無人照顧,業主又無法與場主黎女士取得聯絡。
當時狗場衛生環境惡劣,滿地糞便,不少貓狗已相當瘦弱,二十多頭小動物大部份均染病。世界動物權益中心在
一 年創辦,全盛時期曾經收留二百隻貓狗,每月單是飼料費達三萬元。收養被遺棄小動物除要付出愛心,支出也相當驚人。

飼料費每月三萬元

去年十月,紅磡一個名為 「寵愛行動」的狗場,收養了六、七十頭流浪狗的狗場主人逝世,狗隻一度面臨要被人道毀滅,幸而最後約三十頭狗被人領養,狗場由義工接手支撐大局,但有許多 唐狗至今仍無人問津。至於大埔坑下甫村的狗場,場主現仍不知所終,現時也無人願意接管。
協助拯救這批狗隻的「寵愛行動」行政總監嚴志誠說,他的狗場也沒有足夠空間接收這批流浪狗。二十三頭流浪狗能否幸保狗命,取決於有無熱心人士願意收養。 本報記者


愛護動物會被轟未施援手

【本 報訊】協助拯救大埔流浪狗場犬隻的「寵愛行動」行政總監嚴志誠表示,曾向愛護動物協會求助,要求分發狗糧,但該會不肯即時施以援手,堅持要報警處理。嚴先 生說事件一旦交由警方接手,狗隻只會被送到漁農自然護理署處理,最終難逃被人道毀滅的厄運,他批評協會處理手法猶如將動物「送死」。

涉嫌虐待須報警


愛護動物協會發言人表示,接到嚴先生求助後,曾要求先到狗場巡查,了解流浪狗會否出現其他問題,才發放狗糧,但現時仍未得到回覆。她認為,事件涉及疏忽顧照狗隻,狗主涉嫌虐待,有需要交警方跟進,強調「啲
狗唔一定係死路一條」
但嚴反駁,唐狗一向不受領養人士歡迎,報警後狗隻多會遭人道毀滅,堅拒將狗場地址通知協會。「協會就算送狗糧,都係送啲就過期既出
佢地既處事手法邊係愛護動物?

體弱者人道毀滅

漁農自然護理署發言人表示,接收到流浪狗隻後,會檢查狗隻是否注入了晶片,嘗試聯絡狗主。若狗隻無人認領,身體情況欠佳會被人道毀滅,有關程序不會少於四天。


萍果日報 2/3/2006

沒有留言: