痴撚線

我想知道香港啲傳媒係咪痴撚左線？
今朝經過報紙檔，(目及)到東方頭條係「韓戰爆發」，咁我梗係唔會天真到以為一覺瞓醒無端端又打韓戰啦，呢四個字梗係用黎形容響香港既反世貿示威情況。
尋日見到無線啲記者報新聞時戴晒頭盔都覺得幾誇張，因為後面啲人都幾乖咁坐晒響度唱歌定係乜野，唔使帶頭盔下話？跟住播啲片其實又唔係所謂好激姐，推兩野之嘛，有時長毛示威都唔止呢個level啦下話？
咁我又唔係話越激越開心，嫌佢唔夠激，嫌佢地唔夠激果啲好似係香港傳媒，真係好撚搞笑，不如比錢叫人放火啦，或者比錢叫人自殺丫笨，係咪有病呀？之但係啲示威者又真係唔激丫嘛，推兩野就激，咁點呀，我成日都問，係咪啲警察家陣埋黎圍鳩住你，唔比你地離開，你地都仲忍，仲席地而坐扮無野扮團結先至唔叫做激丫？老細呀，比你見到果啲暴力極都有限啦，老老實實，暴力總在你看不見的地方，你睇下世貿，成個形象真係暴力到呀，我簡直見到一個五百磅肚滿腸肥既大肥佬坐響一個瘦到一碌竹既人身上，由於食得太飽既關係，大肥佬仲放左個屁添。
我呢期聽見（係聽，我好少睇電視新聞架）啲新聞報導，個心果下真係蹹到呀，點呢，即係有人要死，你叫佢死遠啲，唔好整污糟你啲地方囉。果下你明唔明呀，真係眼眶發紅呀直情！