奇蹟

今日發生神蹟事件。

話說今朝返工搭巴士，想拎出銀包嘟八達通，發覺個袋開左兼且銀包唔見左，我以為自己無帶銀包，但係因為個袋開左，又好驚其實係比人打荷包喎，於是就諗住返到公司開左門之後返屋企搵下啦。

當我返到公司，開返啲voice mail 黎聽時，竟然有個男人打黎話執到我銀包!!奇蹟呀，佢仲問我身份証號碼、有幾多張信用咭之類，匪夷所思!!路不拾遺係會響香港發生架，跟住我就去拎返我個銀包啦!

喂，你話係咪奇蹟先，我一毫子都無少到呀，最緊要就當然係個銀包無穿無爛啦，簡直感動到暈，呢個世界突然充滿希望呀~