家有囍事2009

最近屋企多咗個大肚婆，晚晚大聲叫，要入房瞓，又惡到死，唔俾人摸，勁懶瞓。

近期Pizza指定動作：打側瞓。

扮沉思中的準媽咪。
呢張係早兩日影既，個肚好似鑼咁大。

雖然大住個肚，但無損Pizza女皇既美貌。

靚到揼一聲~

呢個係我地女婿，亦都係我地引入室既狼，你睇佢瞓得幾臭串。

呢個衰仔勁嗲，又聰明，但傳說佢愛上我屋企，所以響我屋企完全唔做任何狗賊行為，扮晒溫馴，主要係唔想返佢老豆度。

咁我當然係唔可以冷落大啲啦，大啲依然咁驚青，成日都響屋企玩飄移。

唉，其實呢期我患上產前抑鬱，Pizza咁死蠢，唔知識唔識咬臍帶呀果啲咁呢，如果難產，我要乸唔要仔架。好緊張呀，睇阿Pizza個肚，都應該係就快生架啦，希望撞啱我可以見證BB出世啦。